Hæ!
Ég heiti Helga Árnadóttir og er hönnuður Lestrar Flóðhesta. Ég bjó til spilin fyrir yngsta son minn þegar hann var að læra að lesa. Það kom nefnilega í ljós þegar hann var búinn að læra stafina að honum fannst svona ofboðslega leiðinlegt að lesa og námið varð að einhversskonar neikvæðri upplifun. Við reyndum að finna eitt­hvað áhuga­vert og skemmti­legt létt­lestr­ar­efni fyrir hann, en sáum að það var algjör vöntun á íslensku efni fyrir byrj­endur í lestri, sem ekki höfðu náð færni til að lesa skemmtilegar bækur með söguþræði.

Við fjölskyldan ákváðum að föndra saman orðaspil á litla miða sem vakti mikla lukku og við foreldrarnir tókum strax eftir fram­för í bæði lestr­ar­á­huga og færni hjá stráknum okk­ar, og spilin hjálpuðu líka dóttur okkar með málfræði. Það besta var að við vorum bara að spila saman fjöl­skyldan og eng­inn að hugsa um lær­dóm. Spilin urðu síðan ofur vin­sæl hjá öllum þeim sem spil­uðu með okk­ur, þannig að við ákváðum að gefa þau út, svo fleiri börn gætu spilað.

Aðal­á­hersla okkar er að spilin séu skemmti­leg og glaðleg, og okkar von er að þau nýtist sem flestum börnum , stuðli að jákvæðri lestrar upplifun og skemmtilegum samverustundum.

Súper lestrar og spilakveðja ⭐️
Helga Árnadóttir – æðsti flóðhestur